Livet som distriktslege

Hausten 1967 gjekk eg Bygdøykurset: Helsedirektoratet sitt kurs i offentleg helsearbeid for legar, i Quisling sin gamle residens. Der kunne me unge distriktslegar i 3,5 månader dele erfaringar og meiningar, som ganske ofte var meir relevante enn forelesarane sine. Kurset var ei god tankesmie. Og etter 5,5 år var me lei av snø frå oktober til mai, så då søkte me oss sørover.